اسرار من غير فلوس لبعد سن ال٣٥ علشان تفضلى شباب ومتكبريش
أكتر حاجة ممكن تغير حياة أى أنثى فى سن الأمومة وأواخر التلاتينات(سن البهدلة والمدارس والتأسيس والتمرين والبيت والأسعار والأكتءاب )
هقولك سر محدش هيقولهولك من غير ما تلفى فى كل مكان
وتدفعى مبالغ وياريتك هتاخدى المعلومة كاملة ..
بشرتك تبقى شباب ازاى ؟
ممكن بلاش كريمات كتير بألوفات من غير ما تخلى جلدك يتنفس الأول
صابونتك الطبيعية الحلوة نابلسى أعتقد من أفضل الأنواع للبشرة والشعر
متسببش شعرك أبيض خليه بيلمع كدا وشبابى ولون لايق عليكى ولو شعرك مجهد يبقى لون غامق
شعرك يتعمل على طول لو سمحتى مفيش حاجة اسمها كحكة وضفاير
بلاش ندهن زيوت وتلزيق
الزيت حمام بس لشعرك ويتغسل لأنه بيسد المسام لو نمتى بيه
المشط بيكون نضيف ويتغسل على طول ويفضل نوع محترم
الفازلين دة أهم حاجة لنعومة الكوع والركب والكعب
بلاش تستهلكى عنيكى فى الضلمة من غير نضارة النظر بقى غير زمان بس فيتاميناتك.هتلحقك
دكتورك اللى يقول ايه اللى ناق جسمك مش انتى ولا انا
بس فيتامين د دة كتز وب١٢ عضمك يا أستاذة
الملابس الداخلية اللى متبهدل ارميه خليكى بتبرقى من جوة وبرا وبلاش استرخاص فى نفسك
بانثينول كريم دة كنز اطراف شعرك بشرتك ناشفة اى حاجة لازم يكون معاكى المنقذ
وبالمناسبة
الميبو والكيناكومب والبانثينول والفازلين والبلاستر والمبرد والملقاط وخيط وشيفنج ومقص صغير وتوك جديدة صغيرة وابرة وخيط ونقط لترطيب عينك.
دول سلاحك فى شنطة الطوارىء والديودرنت الطبيعى أفضل هتلاقى متقلقيش
ربى قطة ؛ ساعدى واحدة غلبانة حتى لو انتى غلبانة مش مهم
اعملى اطعام على قدك
شيلى قرش على جنب حتى لو حصالة السمنة الصفيح
قهوتك اهم من النسكافيه 
تعليقات