بوصلة إمرأة فوق ال٣٥

 لما تكونى ست بيت وعندك ولاد وفجأة بدون مقدمات بيتم تجريدك من كل حقوقك وأنتى متعرفيش وبعد فترة تكتشفى خبانة زوجك ومش هتفرق الخيانة نوعها إيه المهم أنها حصلت  هتعملى إيه ؟ أوعى تواجهيه ولا تحاولى تعرفى أسبابه. كل اللى مطلوب منك الصمت وتتفرجى من بعيد أدى دورك بدون مبالغة فى رد الفعل ولا عصبية زيادة ولا حنية زيادة  أتفرجى وخليكى فى وضع المشاهد على الفيلم وراقبى وأفهمى طبيعة العلاقة من غير كلام  لما ينتهى مشهد النزوة يا هيفوق يا هيكمل لحد ما يدمر بيته  لو لاقيتى الموضوع خرج عن السيطرة ابتدى استخدمى سلاح التوتر حسسيه بوجودك خليه يقلق عليكى ويشوفك بعين تانية  لو معرفتيش تعملى ايه عندك النت مليان نصايح  المهم التطبيق يكون على الهادى  صمت وهدوء وتتبع وسيطرة ورد فعل موزون 

 عارفة يعنى إيه الحال يتغير واللى كان بيكفى شهرين بقى مبيكفيش يومين لو أنتى زوجة وأم طبعاً عارفة أن الأسعار لما اتغيرت كل حاجة فى حياتنا اتغيرت معاها أولوياتنا أحتلفت غصب عننا الحل بسرعة من غير رغي كتير استغنى عن الأساسيات الغالية بأرخص ماعدا السمنة والجبن  اللبس ميبقاش كتير يدوب تقضى الغرض اللى يصغر نجيب مكانه الفلوس الفكة متستقليش بيها اة مبيبقاش لبها لازمة  بس لما تحوشى فترة هتفرق وهتنفعك جداً  اتعلمى تتكيفى مع اى ظرف وعلمى ولادك كده حتى لو معاكى فلوس انهارده  بلاش مبدأ أصرف ما فى الجيب ده  فكرى تطلعى ولادك ناشفين قادرين بواجهوا الدنيا مش كل حاجة متعجبهمش يعترضوا علميهم يقربوا من ربنا علشان يحسوا بالرضا  غيرى نظرتك للفلوس وللرفاهيات 

 تعرفى أن الكسل والخمول من أكتر الحاجات اللى أنتشرت مؤخراً لكل السبدات فى مختلف اعمارهم حتى لو نومهم مظبوط أو مفيش مجهود بدنى  سألنا ودورنا وأكتشفنا أن الحل فى جسمك ودماغك  الخمول والكسل محتاج يتحارب مش بس أقول يارب الكسل يروح  الجسم الصبح محتاج بيضة مسلوقة وربع رغيف بس  وقهوتك  والصلاة  تصحى بدرى مهما كانت الظروف  متفكريش اكتر من ١٠ ثوانى فى اللى عاوزة تعمليه قومى بسرعة  لو أدينى مخك فرصة يفكر هيطلعلك مليون مبرر متتحكريش من مكانك وتفضلى فى ركن الراحة .. شغلى قرأن رادبو بصوت مسموع افتحى الشبابيك  متسبيش نفسك للكسل  الشمس فين فى حياتك  فهمينى يا هانم فيتامين د هيتظبط منين وانتى مكمكمة فى البيت  متحاوليش تبررى ولا تفكرى قومى أعملى اللى وراكى لو عديتى ال٤٠ جسمك عاوز فيتامينات تعوضه عن البلاوى اللى حصلتله اتوكلى على الله تحاليلك والدكتور يقولك تاخدى ايه متنسيش تدعى ربنا كل يوم يرفع عنك الكسل والخمول 

 أسرع وأسهل طريقة للتخلص من إدمان الموبايل والريلز  أشترى منبه عادى يصحيكى الصبح وأقفلى التليفون من الساعة ١٠ اصحى الصبح افتحى الموبايل وحطيه عالشاحن وقومى أفطرى وأشربى قهوتك وألبسى وصلى وحلصى بيتك وأعملى كل اللى وراكى  شغلى الراديو  مسكتى التليفون  ضعفتى  بصى عالواتس أب بس لو حد بعتلك حاجة او هتبعتى حاجة لحد  اعملى كدة ٧ أيام ورا بعض وهتلاقى أن الموضوع سهل التحكم  أهم حاجة الالتزام 

لو معندكيش فى دولاب مطبخك شوية حاجات تأمنك تبقى لازم تراجعى نفسك فورأ والكلام هنا للناس اللى عاوزة توفر فى الظروف دى والأسعار الغالية أو اللى مصروف البيت بيخلص وتحتاس وبيتها فاضى نص فول بلدى -نص عدس اصفر -عدس بجبة- مكرونة خواتم - مرقة دجاج - دقيق -كاكاو خام - بيكنج بودر وفانيلبا وخميرة ـنص فشار الفريزر  موتزريلا حسب ما تقدرى حطى بتنفع أوى فى البيتزا للولاد  يسطرمة أة بسطرمة لو عندك مقدرة وقت معاكى زيادة  هاتى ب١٠٠ج وحطى فى الفريزر  تدى طعم عللبيتزا قطعى منها حتت صغيرة أوى وللبيض برضه حتت صغيرة أوى  عجينة فلافل  مفروم وبانيه نص ونص دول لا مساس ليهم غير أخر الشهر فى الزنقة  خللى خيار وجزر  استبدلى الشوكلاته السبريد للولاد بالحلاوة  مرة ومرة  ركزى عالصحى بيض  - لين -جبنة ـمربى الخضروات حسب ما تحتاجى وصلصة طبعا  خل وطحبنة  فى بيوت كتير الولاد مش بترضى بالأكل دة ومتعودين على نظام معين بس معلش لازم يتعودوا الوضع بقى غير الاول على كل الناس

 معلقة بن فاتح عادى  معلقة صغيرة عسل نحل معلقة صغيرة زبادى (تستبدل بماء ورد لو البشرة دهنية) معلقة صغيرة مياه  نقطتين ليمون  نعجنهم ونفرده على البشرة ٢٠ دقيقة وتغسليه بماء فاتر  دة بيعمل إيه  تقشير خفيف للبشرة  نضارة ونعومة  بيساعد على اختفاء اثار الحبوب والبقع  بيخلى البشرة تتنفس حقيقى  ماسك القهوة من أحسن الماسكات المناسبة لجميع أنواع البشرة والبشرة الحساسة بنجرب الاول فى جزء بسيط تجربة حقيقية لماسك القهوة ما