بوصلة إمرأة فوق ال٣٥

 كملتى الأربعين طيب ألف مبروك أبشرك يا صديقتى أنه حان وقت الصدمات  سلوى كملت أربعين سنة كانت ساكنة فى منطقة متوسطة معقولة وكانت بتودى الولاد التمارين والدروس بمواصلات فجأة نظرها ابتدى يضعف قالت زغلله بس لا دة ضعف نظر فعلاً ضهرها حدث ولا حرج ورجليها بقت بتورم وبتألمها من أقل مجهود قلبظت شوية بس دة شىء غير مفهوم لأن اكلتها قليلة طب فى إيه؟ إرهاق مزمن للجسم والعين والمخ وزن زائد غبر مبرر ضبابية يعنى دماغك بتكلبش وبتقف فجأة  زغللة وكسل وشراهة للحلويات والحوادق صداع نصفى  لخبطة هرمونات  بس اقولك على سر زى السحر .النوم فى نفس الوقت كل يوم بدرى شرب مياه كتير  المطاردة اللى بتحصل فالوقت دة مفتحة من كله بس بتمضى

 لما تكونى ست بيت وعندك ولاد وفجأة بدون مقدمات بيتم تجريدك من كل حقوقك وأنتى متعرفيش وبعد فترة تكتشفى خبانة زوجك ومش هتفرق الخيانة نوعها إيه المهم أنها حصلت  هتعملى إيه ؟ أوعى تواجهيه ولا تحاولى تعرفى أسبابه. كل اللى مطلوب منك الصمت وتتفرجى من بعيد أدى دورك بدون مبالغة فى رد الفعل ولا عصبية زيادة ولا حنية زيادة  أتفرجى وخليكى فى وضع المشاهد على الفيلم وراقبى وأفهمى طبيعة العلاقة من غير كلام  لما ينتهى مشهد النزوة يا هيفوق يا هيكمل لحد ما يدمر بيته  لو لاقيتى الموضوع خرج عن السيطرة ابتدى استخدمى سلاح التوتر حسسيه بوجودك خليه يقلق عليكى ويشوفك بعين تانية  لو معرفتيش تعملى ايه عندك النت مليان نصايح  المهم التطبيق يكون على الهادى  صمت وهدوء وتتبع وسيطرة ورد فعل موزون 

 عارفة يعنى إيه الحال يتغير واللى كان بيكفى شهرين بقى مبيكفيش يومين لو أنتى زوجة وأم طبعاً عارفة أن الأسعار لما اتغيرت كل حاجة فى حياتنا اتغيرت معاها أولوياتنا أحتلفت غصب عننا الحل بسرعة من غير رغي كتير استغنى عن الأساسيات الغالية بأرخص ماعدا السمنة والجبن  اللبس ميبقاش كتير يدوب تقضى الغرض اللى يصغر نجيب مكانه الفلوس الفكة متستقليش بيها اة مبيبقاش لبها لازمة  بس لما تحوشى فترة هتفرق وهتنفعك جداً  اتعلمى تتكيفى مع اى ظرف وعلمى ولادك كده حتى لو معاكى فلوس انهارده  بلاش مبدأ أصرف ما فى الجيب ده  فكرى تطلعى ولادك ناشفين قادرين بواجهوا الدنيا مش كل حاجة متعجبهمش يعترضوا علميهم يقربوا من ربنا علشان يحسوا بالرضا  غيرى نظرتك للفلوس وللرفاهيات