بوصلة إمرأة فوق ال٣٥

   الولاد بتنزل المدرسة أقول هنام ساعة وأقوم أعمل الاكل  أقوم من النوم أمسك التليفون أفر شوية ألاقى نفسى خلصت الوقت كله فر فى التليفون بين ريلز وشورتس ،حزين وحاجات تفرح وأخبار كتير ملهاش علاقة ببعض.. والباب بيخبط ولادى وصلوا 😥 أهلاً وسهلاً ماما فى أكل إيه ،،،،صمت ،،،حبايبى فى ناجتس وبرجر أى حاجة يا ماما لحد ما تعملى الأكل وهوب ينزلوا الدروس ويرجعوا تعبانين ويناموا  لا أ كلوا أكل مفيد ولا ذاكروا كويس ولا البيت مترتب .. هدوم أتكومت متغسلتش وانتى لا صليتى ولا حتى غسلتى وشك وبعدين طيب هتعيشى كدا لحد أمتى الوقت بيسرقك مفيش فيكى حيل تكملى حاجة ولا تنجزى  سيبى التليفون من ايدك وقومى أغسلى وشك بشوية مياه وقولى لنفسك أنا أم هقضل كدا لحد أمتى  أنا هفوق لنفسى وهتحرك وتنجزى ورا بعض وماضيعييش عمرك فى التليفون